平民版西餐

 

今日又到咗食平D嘅時間！出街食Grilled Portabella Mushroom好貴，如果去City 猪扒買都一樣好貴！但最近俾我買現係鵝頸橋街市嘅普通菜檔有Le種菇賣，一pack三個賣$18，一於買嚟整下。
                          
話明平民版，我將西洋Baby Spinach 變成普通菜檔嘅菠菜，將mazzarella cheese變成普通片裝車打芝士，有朋友送我一包風乾火腿，今日用上了。如果冇、可以用普通煙肉代替，而無須特地買風乾火腿

   菠菜先用油、鹽、糖水灼至軟身，弄乾，略切，放上大啡菇上，再放上風乾火腿

      我將一片芝士切成細條狀放到最上層。呀！差D唔記得講，你哋知Le D菇唔可以用水洗架啦！它只能用濕布抹！

薯仔稍烚去皮，灑上鹽、黑胡椒及香草及欖油就可以拎去焗

                           
          雞扒可以話係現時最便宜嘅肉類，今日主菜就用上佢，簡單地加鹽、胡椒粉及香草調味
                           
                       同樣地鋪上風乾火腿(可用普通片裝火煺代替)及半塊芝士
                           
    將之卷起，用牙簽固定形狀 (當然你可以好似D外國大厨咁，用綿繩縛到佢靚一靚啦！)

 

                           
放在平底鑊煎(想個色靚我用咗少許生抽搽下D雞皮) 點解要煎？1) 煎哂D雞油出嚟冇咁肥 2) 鎖住肉汁，之後放入焗爐焗至全熟。你可能問怕肥點解唔先去雞皮？Haha 1) D雞肉冇皮包住會乾，D肉冇咁juicy架 2)個樣唔靚仔。如果真係怕肥食時才去皮吧！

See！ 拎走咗D牙簽都唔會散開架！ Le餐兩人份量才用了兩片芝士唔會太肥啦！

                        
     攪掂！Le個平民版西餐你鐘唔鐘意呢？