忌廉白酒青口

心情好食好嘢，心情唔好更加要食好嘢！
昨晚煮咗一味好耐冇食過嘅法國菜 ---忌廉白酒青口，係咪好吸引呢？

OK，先嚟睇下D材料。
青口一定要買法國嘅藍青口 (Blue Mussels)， 如果買紐西蘭青口，口感同鮮甜味完全唔係Le回事架！

 Le包藍青口我喺City豬扒買，1.4kg 好似係$268，佢另有700g一包卻賣$168，我Le個精明"煮"婦當然買1.4kg啦！
                                       
其他材料有蒜頭、大洋葱半個、Dill (刁草)、白酒 (用數十元平價貨就OK) &忌廉

青口洗淨

                             
                               爆香洋葱&蒜頭
                              
 加入青口炒勻，加一杯白酒及刁草蓋上蓋煮至青口開口，加適量忌廉、黑胡椒 (青口有海水味我冇加鹽)
                              
 切一些青紅椒粒及刁草灑上面作裝飾，如果唔係Le鑊嘢黑"mung mung" 唔靚仔架！

 

  Le餐唔單止"一鑊熟"，仲成鑊上，連碟都費事洗！將法包焗熱用嚟點青口汁伴食，Wow人間美味，好似去咗法國咁！
                                                                             
D青口肉好嫩，正！
煩氣D再講一次，Le味法國菜係唔可以用嗰D大大隻紐西蘭青口代替架！買唔到法國青口就零願唔好整！