6pm不露

Le個夏天真係熱得緊要，對於怕熱嘅我嚟講出街係需要無比勇氣架！星期日等到6pm見個太陽冇咁勁就拿拿聲帶乖乖落街玩下，但我仍然揮汗如雨，忍唔住同乖乖講，如果唔係為咗你打死我都唔離開間冷氣屋！
黃昏行遇上一眾狗街坊，個個都話E家咁熱，唔可以三點不露而係要六點不露！

返正weekend係沖涼日就落沙灘玩下啦

Wow有個嬸嬸大豐收呀！唔知佢掘咗幾耐呢？

 

遇上久遺嘅亞Bu

 

咁耐冇見影下合照先

冇太陽都咁熱，有太陽我可能會中暑！

唔好俾Le個"小朋友"個樣呃咗！當大家都以為佢係BB狗，原來Niki已經5歲喇！

點解獅子王會抱住佢？因為Niki係狗都怕，一有狗埋身唔理係邊個，識定唔識，求其揾個人求救！佢Mammy話佢可能唔知自己係狗，因為佢一世狗都冇一隻狗玩得埋，無論大細，一見狗就走頭！

 

但乖乖真係好想同佢玩，仲撲埋跳上去，肯定嚇死Niki hahaha