一齊健康

好Like博多屋的豆製品，每樣貨品都好有豆香。星期二放工去買咗我最愛的黑胡麻豆腐和無糖豆漿。去買嘢食又點少得乖乖嗰份吖，我當然拎咗包免費豆渣，用嚟整嘢俾佢食啦，實行一齊健康！

買咗包羊肉免治，只要加上少許南瓜粒(己熟)少許豆腐渣及香草撈勻

放落non-stick鑊煎(無須加油，煎到兩面金黃就加二湯匙水，蓋上鑊蓋至收水就OK) 咁就做出健康又美味羊肉餅。

 

佢對Le個羊肉餅百吃不厭架，所以久不久就會整一次俾佢食
乖乖一餐食4塊

為免佢狼吞虎嚥又食到成面"so"味所以我要一啖啖餵

睇下佢食得幾滿足！

我自己仲簡單，完全唔使煮，黑胡麻豆腐只要加上日式芝麻醬，灑上芝麻&木魚碎、就OK！