乖乖都要捱世界

乖乖：媽咪，媽咪，大件事喇！

媽咪：晨咁早，做乜嘈喧巴閉呀？

乖乖：你今日冇報紙咩？份份報紙都話你公司炒人Wor！

媽咪 ：傳咗好耐喇，洗乜睇報紙先知Ar ？

乖乖：吓？咁你唔早D講？等我出去揾份工做吖嗎。

媽咪 ：你做乜耍出去打工呀？返工好鬼辛苦！D老細又鍾意「媽媽义义」。

乖乖：咁咪係囉，你成日喺個Blog話想放假，又話無心工作，仲爆你老細放三個月假，佢今次可能成全你比你放 長假，你今次 Die Hard 喇！

媽咪 ：吓，咁大鑊？你唔好嚇我呀！咁E家點算好呀？

乖乖 ：等我返戴副眼鏡睇吓有乜好工做先。

媽咪 ：咁你做得D乜呀？

乖乖：我决定去你公司見工做「食蕉」，我有經驗，我出哂名係門口狗，看門口最掂當。你快Ｄ幫我打返條呔等我去見工喇。

媽咪 ：咁班尼泊爾啹喀兵咪冇得撈？

乖乖：你顧掂你自己先喇！你睇我個樣咁醒，唔打得都嚇得，今次請梗我。